Rusiye propagandası 2014 senesinden başlap Qırım ilhaqını aqlağan yalanlar tarqata. Olarnıñ aytqanına köre, Qırım Ukrayınadan qanunğa köre ve barışıq bir şekilde «ayırıldı». Qırım ise «ayırılmadı», başta Rusiye ordusı tarafından işğal etildi, soñra qanunsız bir şekilde ilhaq etildi. Rusiyeniñ aytqanlarına baqmadan, 1994 senesinden 2014 senesine qadar «rus dünyasınıñ» tarafdarlar sayısı bayağı eksildi. Qırım ise bütün tarih boyunca tek 213 yıl devamında Rusiyeniñ idaresinde edi. ve Qırımnıñ tamır halqı qırımtatarlar ola.