Qırımdaki Rusiye akimiyeti yarımada kitaphanelerinden Golodomor, ukrayin halqınıñ azatlıq küreşi ve qırımtatarlarnıñ faaliyeti aqqında yazılğan kitaplarnı alıp taşlamaq istey. Bunı Milliy tirenüv merkezi bildire.
Qayd etilgenine köre, böyle talimatnı Rusiye kontrolindeki Qırım universal ilmiy kitaphanesiniñ yetekçi metodisti Sofiya Rıbak yolladı.
"Aytılğan edebiyattan ğayrı, usulcı Rusiye Adliye nazirliginiñ Rusiye tarafından tanılğan "natsist teşkilâtları ve timsalleriniñ cedveli" qararına dair malümatnı isbatlay. Bu cedvelge Ukrayina isyancı ordusı ve Ukrayin milletçiler teşkilâtı kirsetilgen. Şimdi "Ukrayinağa şan-şeref" ve "Qaramanlarğa şan-şeref" kibi natsizm selâmlavı, em de trezub", – dep aytıla haberde.
"Trezub resimleri olğan bütün kitaplar fondlardan çıqarılmalı", - dep yaza Rıbaknıñ sözlerini Milliy muqavemet merkezi.
Daa evel "Almenda" Vatandaşlıq maarif merkezi bildirdi ki, 2023 senesi işğal etilgen Qırımda tek 197 balanıñ ukrayin tilinde oqumaq imkânı bar edi. Bundan da ğayrı, yarımadada ukrain tilinde tasil bergen tek bir mektep çalışqanı aqqında haber etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
